ونـة خـفـوق

ثقافي اجتماعي


    انا والليل والعبرة وجرح وخاطر ٍمكسور

    شاطر

    جراح
    Admin

    عدد المساهمات : 849
    تاريخ التسجيل : 18/09/2012

    انا والليل والعبرة وجرح وخاطر ٍمكسور

    مُساهمة  جراح في الأربعاء نوفمبر 19, 2014 7:43 am

    انا والليل والعبرة وجرح وخاطر ٍمكسور
    ونفس من هجير البعد والحرمان مقهورة

    وقلب ظامي لشوفك ولايروى ظماه بحور
    وعين تحتري لحظة غياب الطيف وحظوره

    ونار تنطفي مره ومره تشتعل وتثور
    واقول النار مقدورة وهي ما هيب مقدورة

    حسبت الليل بغيابك يمرن الليال دهور
    وكني شايل بقلبي ليال الوقت وشهوره

    تصبرت وتقدرت وبنيت من الخيال قصور
    إلين ان الجفا شد الركايب وانتهى دوره

    تحريتك على درب القصيد من ثلاث دهور
    وحشا ما مات لك غصن يشف الماي بجذوره

    تخيرت الغرام وجيت لا راضي ولا مجبور
    وجيتي تسبقين خطاك مرضيه ومجبوره

    وانا ما كان لي رغبه أبين واكشف المستور
    ولكن الجمال أكبر من الخفاق وشعوره

    جمال وود وعيون ودلال وكبرياء شعور
    وفتنة تخذل عيون النهار وينطفي نوره

    ولك في خافقي صوره تلاشت بين ضي ونور
    وأخاف اسكت من الفرحة وتنطق باسمك الصورة

    عرفتك وانتهت رحلة قساوة دربي المهجور
    والا يا جملة أيام الجفا والصد مشكورة

    خذتني للجفا عزه واخذني للعناد غرور
    واخاف اكون بعنادى حبيب ومات بغروره

    وإذا كانت مسافات الخيانة للغرام قبور
    وش اللي يجبر العاشق يخون ويحفر قبوره؟

    وش اللي يجبر الشاعر يدور للشعر جمهور؟
    مدام انتي محبينه وعشاقه وجمهوره

    Admin
    Admin

    عدد المساهمات : 589
    تاريخ التسجيل : 05/07/2012

    رد: انا والليل والعبرة وجرح وخاطر ٍمكسور

    مُساهمة  Admin في الإثنين نوفمبر 24, 2014 6:59 am

    الله يعطيك العافيه

      الوقت/التاريخ الآن هو الأحد ديسمبر 17, 2017 5:00 am