ونـة خـفـوق

ثقافي اجتماعي


    بعد غيابي عنك حول اربع شهور

    شاطر

    Admin
    Admin

    عدد المساهمات : 589
    تاريخ التسجيل : 05/07/2012

    بعد غيابي عنك حول اربع شهور

    مُساهمة  Admin في الجمعة نوفمبر 21, 2014 5:32 pm

    القلب ساحة حرب وجروحي قبور
    دفنت فيها .. الذكريات و حنيني !

    وسويت من صبري حوالينها سور
    في داخله كل شي .. بينك وبيني

    لا تعتذر لي ما انت صادق ومعذور
    خل العذر .. للي بقى من سنيني !

    لو كان عندك ذوق واحساس وشعور
    ما تشتكي ( ذكراه ) .. قدام عيني !

    ليه اشتري خاطرْك خاطرْك مكسور
    من قبل .. لا اجيك وقبل لا تجيني

    ماعاد لـ ( التقدير ) قيمه و لا دور
    وشلون اقدّر وضع من لا يبيني ؟!

    من قلت لك تسلم حبيبي و مشكور
    وسحبت من راحة يسارك .. يميني

    وانا .. نويت غياب ما بعده حضور
    الله .. يغفر لي ( الجفا ) ويهديني !!

    هذي ( طبيعة نفس ) ماتقبل الجور
    ماهيب في يديينك ولا في يديني ..

    ولاّ انت ما يلحق ردى نفسك قصور
    شوف بـ عيونك ويش سويت فيني ؟!

    بعد غيابي عنك حول اربع شهور
    توك تجي تسأل علامي وويني ؟

    قد قلت لك ماني على الوصل مجبور
    لا غبت عنّك ( يوم ) .. لا تحتريني !!

    محمد السهلي

    جراح
    Admin

    عدد المساهمات : 849
    تاريخ التسجيل : 18/09/2012

    رد: بعد غيابي عنك حول اربع شهور

    مُساهمة  جراح في الخميس مارس 26, 2015 12:14 am

    صح لسان شاعرها
    وسلمت يد ناقلها

      الوقت/التاريخ الآن هو الأحد ديسمبر 17, 2017 5:02 am