ونـة خـفـوق

ثقافي اجتماعي


    جـرحـك كــريــم و ذكرياتك كريمـه

    شاطر

    جراح
    Admin

    عدد المساهمات : 850
    تاريخ التسجيل : 18/09/2012

    جـرحـك كــريــم و ذكرياتك كريمـه

    مُساهمة  جراح في الأحد يوليو 07, 2013 7:52 am

    صدرالحزيـن يطاوع الضيق و يضيق
    من كل صوب وتصبـح العـيـن ديـمـه

    يـنــزل مطـر و يـلــوح برّاق و تفيـق
    كـل الجــروح المبطـيـات الـقــديـمــه

    و أنا عـلـى الـدنـيـا قـليـل التوافـيـق
    ما غيـر أساوقهـا بـرأي و عـزيــمـه

    يا فـوح قلبـي مثـل فـوح الاباريـق
    عـلـيــك ياللـي لـك عروقـي محيمـه

    أقبلت لي و الحـب حـظ و توافـيـق
    و أقفيت عـنـي و النتايـج وخـيـمـه

    علّقـت نفـسـك فـي زوايا المعاليـق
    و حطّيت لك بين الحنايـا وسـيمـه

    و أصبحت عندي فوق كـل المخاليـق
    تخطي و لا لك غيـر قـدر و حشيمـه

    و انا و ربي مـا نقضـت المواثـيـق
    لا زلت أشوفـك راس مال و غنيمـه

    دونك سحاب الدمع و مشـارق الريـق
    و عقبك ضياع و جرح قلب وهزيمـه

    وان بعتنـي بالسـوق بيـع الصناديـق
    عـز الله انــك بـعـتـنـي دون قــيــمـه

    لـيـتـك تشـوف ابـواب قلبـي مغاليـق
    ما هـيـب لا و الله ( عـادة حلـيـمـه )

    ما همنـي و النـاس جمـع و تفاريـق
    ما دمـت منت بـ فيـه روحـي يتيمـه

    يا صاحبـي تبكـي عليـك الطواريـق
    جــزل البيوت الفــاردات العـديـمـه

    ارحل و طيبك فوق روس الشواهيق
    لا تلتفـت لـي يـا قـــويّ الشــكيـمـه

    و أنا علـى خبـرك وريـث المطاليـق
    راعي مواجيب و شجاعه و شيمـه

    مثل الجبل و أقرب مثل عندك طويق
    شــامخ لـو ان الريح تنحـت صميمه

    يــالله عـسـى فالـك معـزه وتـوفـيــق
    ياللي جعلت أهـداف عمـري عظيمـه

    عقبك لي الله ثـمّ شمـس المشاريـق
    و الشرقـي و هبّـة هـواه و نسـيمـه

    و الشوق وهموم الجـروح المفاتيـق
    و الـبـرد والحـزن وشـوارع رحيمـه

    يالغالـي الـلـي كنّـك بقـلبـي اتـويـق
    جـرحـك كــريــم و ذكرياتك كريمـه

    أنت و أنا نشـبه حضارات الأغريق
    القــوم راحــوا و الحضاره مقـيـمـه

    Admin
    Admin

    عدد المساهمات : 589
    تاريخ التسجيل : 05/07/2012

    رد: جـرحـك كــريــم و ذكرياتك كريمـه

    مُساهمة  Admin في السبت أغسطس 17, 2013 8:59 am

    كلمات في قمة الجمال
    الله يعطيك العافيه
    تحياتي لك

    جراح
    Admin

    عدد المساهمات : 850
    تاريخ التسجيل : 18/09/2012

    رد: جـرحـك كــريــم و ذكرياتك كريمـه

    مُساهمة  جراح في السبت أغسطس 17, 2013 9:22 am

    شكرا لمرورك

      الوقت/التاريخ الآن هو الأربعاء أبريل 25, 2018 7:21 pm