اخــاف مــن يــومٍ يـجــي فـيــه واخـســرك
وانـــــدم عـــــل مـــافـــات وانــــــدب زمـــانـــي

اول همومي كيف باحساسي اشعرك
وارمـــي شــعــورك مــثــل مــاهــو رمــانــي

يـــوم ان ربـــي قـربــك لـــي .. وسـخــرك
ماصنـت حـبـك يــوم .. ربــي عطـانـي

مجـنـون حـبـك ومــن جنـونـي ابحـكـرك
مـن كثـر حبـك صــرت بالـحـب انـانـي

عطيتنـي بعضـك.. وطمعـت باكـثـرك
بعين الطمع ماشفت وش كثر جاني

دمــرت نفـسـي.. بغيـرتـي قـبـل ادمـــرك
وطــاوعـــت نـفــســي يـــــوم مالله هــدانـــي

وبالغـت.. بعنـادي وحـاولـت ابهـجـرك
لاطـاعــنــي قـلــبــي.. ولا الــنـــوم جــانـــي

والـيــوم مـــا ودي عـلــى قــربــي اجــبــرك
ولا الـــوم قـلـبـك.. كـــان صـــد وجـفـانــي

لـكــن قـســم بالله لـــو.. عـفــت شـاعــرك
يــحــرم عـلـيــه الـشـعــر وبــــدع الـمـعـانـي