Admin الخميس ديسمبر 01, 2016 8:27 pm
تصد مني وانا ما قلت لك حاجه
يا قو قلبك قدر يرحل ويتركني
ما تدري انك دوا للقلب وعلاجه
واني بدونك طواني الهم واتعبني
يا شمعة القلب يا مضويه يا سراجه
ياغاية الروح صار الليل يسهرني
ارفق على اللي سببكم زايد احراجه
ليلي وهمي بدالك هو يعانقني
اول ملبسك عقد الحب مع تاجه
والحين لك وقت تاركني وهاجرني
خليت قلبي سجين يحتري افراجه
مسجون لكن حنين الشوق يدفعني
القلب محكوم وضلوعي هي سياجه
خطر يكسر ضلوعي ثم يذبحني
متى على الله يخف الهم وازعاجه
ويرتاح بالي عقب ما كان يزعجني
اما تجيني وعقب الهجر نتواجه
والا نسيتك مثل ما انته تعاملني
لشاعر : حمد الرجباني
